.. مشتهيك !!

--------------------------------------------------------------------------------


مشتهيك وداير اجيك لكن كسيح
قلت أسند طولي جنبك وارمي شوقي على كتوفك واستريح
وفي عيونك أشوف ملامحي تحت رموشك
قاعدة في الضل الفسيح
.. وزبقى ريح .. تتهادى فوق أمواج ضفايرك
وترتعش من نفحة الجيد النضيح
تلمس الزهر المندي .. تترجم الصمت الزمان
ريدة بالمعنى الفصيح
مشتهيك والشوق فتر من الرديح
كل ما يصبح صباح أقول أجيك
تمنع خطاي متارس الزمن القبيح
وارجى بكرة بلا نعاس متوسد الشوك والسريح
عيوني في النجم البعيد
غرقتو بالدمع السحيح
حسيتبو مشتاق لك معاي
لكنو ماقادر يبيح
فضل سكاتو على الكلام
خايف يعود منك جريح
يفقد معذتو والغرام
ويبدل أحلامو النويح
لكني وحياة الأمل .. وحياة عيون قمري الوضيح
جاييكي منك ماني خايف بيك بلاك .. برجع صحيح
جاييك شايل أشواقي موج وفيني بحر الريد فسيح
مالدنيا كلها إغتراب .. وريني بس وين بستريح ؟؟
ومافي غير قيفك وطن يشيلني فوق خاطراً مريح





ولكم ودي وادبي